@nana.c_makeup #nanac_sharing
決定由今日開始post多啲關於美妝產品的分享😼
今日要介紹嘅係Pony Effect呢支Prime Protect Sun Base🌞亮肌防曬底霜
/
為夏天做好準備 其中一樣必有嘅item一定係防曬
但並唔係每一款防曬產品都適合喺底妝之前搽
有啲質地黏膩已經不在話下，用左唔適合配合化妝品使用嘅產品更加可能會影響成個妝嘅持久度
/
唔係講笑 呢支sun base簡直係我今個夏天嘅寵兒👶🏻
佢有SPF50+/PA++++ 能夠一次過做晒防曬 + 保濕 + 底霜三種功效💧
質地水潤輕薄 可以為上妝前嘅肌膚打好基礎 做到水油平衡 舒緩返乾燥、缺水、暗啞等等嘅肌膚問題
比起底霜佢質地更加似乳液 上臉推開是透明的
我最滿意係佢搽上面一啲都唔厚重 好清爽 吸收度亦好快 搽完就可以直接上底妝產品 唔需要等
如果有時唔化妝 都可以當佢係防曬就咁用 亦都唔需要特別落妝 啱哂懶人！（雖然我好少會唔化😂）
/
隱藏功能：如果去到下晝你個妝已經因為唔同原因 例如係大量出汗 導致嚴重甩妝需要補妝嘅情況
你可以用佢配合化妝海綿 將成個底妝抹走 再重新上過底妝（上左碎粉亦適用）
你會發現即使再上返粉底 都輕輕唔會卡粉/越補越厚 仲可以重新做返保濕同滋潤效果 減少肌膚負擔🤫
/
如果要講缺點 就係控油功能呢方面對我唔係特別work😂
年紀大左🌝個妝化得咁上下T字位同埋鼻翼兩邊就會開始會出油
試過淨係單搽呢支底霜都係唔足以阻止到呢個出油嘅情況 需要喺局部位置落返另一支控油功能較強嘅Primer配搭黎使用（遲啲再分享）
不過如果你好似我咁淨係當佢係一支高度防曬加妝前保濕霜黎用 其實佢係唔錯🤫
重點係 佢係$270/50ml 每次按一下已經可以搽全面 用到好耐 性價比都幾高💁🏻♀️
我自己都買左兩支 燒下大家 哈哈😛
/
#非廣告 #happyshare #我自己買架
#中意睇分享文的話請like #咁我先可以繼續喺你ig板面出現😢 #我會繼續打多啲 ❤️
有咩想問/想我之後講嘅喺下面留comment話我知😉
Search